五點鐘去天光墟

do do do...

我最近有一個夢想

係同朋友五點鐘去天光墟

我經已好耐無同朋友出去

而且去一個未去過嘅地區

但我點可能五點鐘就起身出去？

除非我十點鐘開始入睡

但香港有無人可以十點鐘入睡？

除非喺屋企無端端飲醉

Terence、阿雪、Peter 同阿 Cza

你哋會陪我去嗎？

之後再去飲早茶

佢哋都應該會陪我啩

do do do...

但我最大嘅一個夢想

其實已一早失去

香港都正在死去

我都經已不再唏噓

這個世界叫人類堅持落去

世界叫窮人奮鬥落去

但我淨係可以繼續喺度

無聊落去

我有一隻公仔

兩年嚟朝夕相對

我有段日子唔想出街

主要都係因為佢

但我最近發現

佢唔再講嘢食嘢同飲水

而我亦都開始瞓唔著

就算飲到好醉

do do do...

我諗緊好唔好等到五點鐘

然後就去天光墟

我諗緊瞓唔著係咪因為

以前做過一啲事太衰

我起返身開返部機聽鄧麗君

聽佢唱到呢幾句：

「不知天上宮闕 今夕是何年

我欲乘風歸去……」

do do do...