給 face 雜誌的記者 ivy

五月十八號你打嚟約我做訪問

話想知道關於我哋首〈please die, donald tsang〉

聽到你係《FACE》已經覺得有啲甘

同你三唔識七受害應該都係我本人

我話唔得閒亦唔想做你訪問

但你打好幾次嚟又態度好誠懇

所以我都俾你喺個電話度問

總好過你完全亂作我個心係咁諗

開始嘅時候你都係正常咁問

除咗無啦啦問我有無女友同佢點諗

我再三叮囑唔好寫我正職嘅身份

你話都唔知我返乜工又點會有可能

第日我個 friend 打嚟話見到個訪問

而且當中仲問埋我間公司嘅高層

嗰個仲要係陳志雲

問佢點樣睇呢一位員工嘅呢一首作品

Ivy　我知你本身不是這種人

我們都一樣低薪兼出賣靈魂

但公司裁員時不會講社會責任

你又何必賣力到賣埋自己嘅良心

Ivy　我知近年畢業是很不幸

讀書時你應該無諗要過呢種人生

仲要寫多幾多期同害多幾多個人

夏天來了　不如轉吓份工唔好再等

當你仲可以嘅時候要趁早起行